கூகுள் சேவைகள் திடீரென முடங்கியது ஏன்?

இணையத்தில் எல்லாம் மீண்டும் இயல்பு நிலைக்கு திரும்பியிருக்கின்றன. ஜிமெயில்கள் பறக்கின்றன, யூடியூப் வீடியோக்கள் சிக்கல் இல்லாமல் தரவிறக்கம் ஆகின்றன. ஆனால், திங்கள்கிழமை மாலை இணையத்தில் சூறாவளி வீசுவதுபோல இருந்தது. ஜிமெயில் உள்ளிட்ட கூகுள் வழங்கும் சேவைகள் திடீரென முடங்கியது தான் இதற்கு காரணம். கூகுள் நிறுவனத்தின் அதிகாரபூர்வ விளக்கப்படி 45 நிமிடங்கள்தான் இந்த பாதிப்பு நீடித்தது என்றாலும், கூகுள் சேவையை பயன்படுத்துபவர்களில் பெரும்பாலானோர் திகைத்துப்போய்விட்டனர் எனலாம்.

சாமானிய பயனாளிகள் வழக்கம் போல ஜிமெயில்களை அனுப்ப முடியாமல் தடுமாறினர் என்றால், வர்த்தக பயனாளிகள் வேறுவிதமான இன்னல்களுக்கு உள்ளானார்கள். தேடியந்திர ஜாம்பவானான கூகுள், ஜிமெயில், கூகுள்டிரைவ், கூகுள் காலண்டர், வரைபடம், யூடியூப், கூகுள் மீட் உள்ளிட்ட பல்வேறு சேவைகளை வழங்கி வருவதால், அதன் சேவையில் ஏற்பட்ட பாதிப்பு, பலரையும் தவிக்க வைத்தது. ஒரு பக்கம், கூகுள் சேவை முடக்கம் என்பது தொடர்பான மீம்களும், விமர்சனங்களும், ட்விட்டர், பேஸ்புக் உள்ளிட்ட சமூக ஊடகங்களில் பகிரப்பட்டாலும், கூகுள் பயனாளிகளுக்கோ, இந்த திடீர் முடக்கம் நடைமுறையில் பாதிப்பை உண்டாக்கியது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3ag1SjZ
via