விவசாயிகளுக்கு ஆதரவாக அமெரிக்காவில் போராட்டம்: காந்தி சிலை அவமதிப்பு

மத்திய அரசின் வேளாண் சட்டங்களுக்கு எதிராக டெல்லியில் ஹரியாணா, பஞ்சாப் உள்ளிட்ட மாநிலங்களைச் சேர்ந்த விவசாயிகள் தொடர்ந்து போராட்டத்தில் ஈடுபட்டு வருகின்றனர். இவர்களுக்கு ஆதரவாக வெளிநாடுகளிலும் பல அமைப்புகள் போராடி வருகின்றன.

அமெரிக்காவில் வாஷிங்டன் நகரில் இந்திய தூதரகம் முன்பு சீக்கிய இளைஞர் அமைப்பு சார்பில் விவசாயிகளுக்கு ஆதரவாக போராட்டம் நடந்தது. மத்திய அரசுக்கு எதிராகவும் பிரதமர் மோடிக்கு எதிராகவும் கோஷமிட்டனர். அப்போது திடீரென காலிஸ்தான் ஆதரவாளர்கள் சிலர் அங்கு இருந்த மகாத்மா காந்தியின் சிலை மீது ஏறி கோஷமிட்டனர். சிலர் காந்தியின் சிலை மீது காலிஸ்தான் இயக்கத்தின் கொடியை போர்த்தி அவமரியாதை செய்தனர். இந்தியாவுக்கு எதிராகவும் கோஷமிட்டனர். இதனால் அங்கு பரபரப்பு ஏற்பட்டது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3nk8bXi
via