நேபாளத்தில் ஆற்றில் பேருந்து கவிழ்ந்து விபத்து: உயிரிழந்த 24 இந்தியர்களின் உடல்களை சிறப்பு விமானத்தில் கொண்டுவர ஏற்பாடு

மும்பை: நேபாளத்தில் பேருந்து விபத்தில்உயிரிழந்தவர்களின் குடும்பங்களுக்கு தலா ரூ. 2 லட்சம் நிவாரணநிதி வழங்க பிரதமர் மோடி உத்தரவிட்டுள்ளார்.

கடந்த வெள்ளிக்கிழமை, நேபாளம் போக்ஹாரா பகுதியில் இருந்து காத்மாண்டுவிற்கு சென்று கொண்டிருந்த 43 பேர் கொண்ட பேருந்து கட்டுப்பாட்டை இழந்து ஆற்றில் விழுந்தது. இந்த விபத்தில் 27 பேர் உயிரிழந்தனர். அவர்களில் 24 பேர் இந்தியர்கள். குறிப்பாக மகாராஷ்டிராவைச் சேர்ந்தவர்கள். விபத்து குறித்து கேள்விப்பட்டதும் நேபாள அதிகாரிகள் மீட்புப்பணியை மேற்கொண்டனர். உயிரிழந்தவர்களின் உடல்களை இந்தியாவுக்கு கொண்டுவர மகாராஷ்டிரா அரசு தீவிர நடவடிக்கை எடுத்தது. இது தொடர்பாக மகாராஷ்டிரா முதல்வர் ஏக்நாத் ஷிண்டே மத்திய உள்துறை அமைச்சர் அமித் ஷா மற்றும் மத்திய அரசு மூத்த அதிகாரிகளிடம் பேசினார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/onWubm1
via