டென்னிஸ் உலகின் இப்போதைய நம்பர் ஒன் நட்சத்திரம் நோவாக் ஜோகோவிச். செர்பிய வீரரான இவர், இதுவரை 17 கிராண்ட் ஸ்லாம் போட்டிகளில் சாம்பியன் பட்டம் வென்றுள்ளார்.
நம்ம ஊர் டெண்டுல்கர் எப்படி சிறுவயது குழந்தையாக இருந்தபோதே கிரிக்கெட் பேட் பிடித்தாரோ, அதேபோல் 4 வயதிலேயே டென்னிஸ் ராக்கெட்டை பிடிக்க தொடங்கிவிட்டார் ஜோகோவிச். சிறுவயதில் ஜோகோவிச்சின் வீட்டைச் சுற்றி பல டென்னிஸ் பயிற்சி மையங்கள் இருந்ததால், அவருக்கு சிறு வயதிலேயே இவ்விளையாட்டின் மீது ஈர்ப்பு ஏற்பட்டுள்ளது. இதனால் 4 வயதிலேயே ஜோகோவிச்சுக்கு டென்னிஸ் ராக்கெட்டை வாங்கி பரிசளித்துள்ளார் அவரது தந்தை. இதன்பிறகு அவரது 6-வது வயதில் ஜெலீனா ஜெனிக் என்ற முன்னாள் டென்னிஸ் நட்சத்திரத்திடம் பயிற்சி பெற அனுப்பியுள்ளார். ஜோகோவிச்சுக்கு முன்னதாக மோனிகா செலஸுக்கு ஜெலீனா ஜெனிக் பயிற்சி அளித்துள்ளார் என்பது குறிப்பிடத்தக்கது. ஜெலீனாவிடம் 6 ஆண்டுகள் பயிற்சி பெற்ற ஜோகோவிச், அதன் பிறகு ஜூனியர் டென்னிஸ் போட்டிகளிலும், பின்னர் மூத்தவர்களுக்கான டென்னிஸ் போட்டிகளிலும் வெற்றிகளைக் குவித்துள்ளார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3qa0dkH
via
No comments:
Post a Comment