தோனி களமிறங்கும் பேட்டிங் நிலை பற்றிய கேள்வி ஒவ்வொரு ஆண்டும் எங்களிடம் கேட்கப்படுகிறது: ஸ்டீபன் பிளெமிங்கின் விளக்க முயற்சி

ராஜஸ்தான் ராயல்ஸ் அணிக்கு எதிரான போட்டியில் தோனி மிகவும் பின்னால் 7ம் நிலையில் களமிறங்கினார், அது தவறு என்று கவுதம் கம்பீர் கடும் விமர்சனங்களை முன்வைக்க சிஎஸ்கே அணியின் பயிற்சியாளர் ஸ்டீபன் பிளெமிங் தோனி சரியான டவுனில்தான் களமிறங்கியதாக பேட்டி ஒன்றில் தெரிவித்தார்.

தோனி, தான் பேட்டிங் செய்து நீண்ட காலம் ஆகிவிட்டது, 14 நாட்கள் கரோனா தனிமைப்படுத்தலும் உதவவில்லை, எனவே பரிசோதனை முயற்சியாக சாம் கரண், ருதுராஜ், ஜடேஜா, கேதார் ஜாதவ் போன்றோரை இறக்கிப் பார்த்தோம், சரிப்பட்டு வந்தால் இதைத் தொடரலாம் இல்லையெனில் அணியின் பழைய வலிமைக்கே திரும்புவோம் என்றும் தொடரின் ஆரம்பத்தில்தான் சோதனை செய்து பார்க்க முடியும், தொடர் செல்லச்செல்ல மூத்த வீரர்கள் பொறுப்பை எடுத்துக் கொள்வார்கள் என்று தன் டவுன் ஆர்டர் சர்ச்சைக்கு நீண்ட விளக்கம் கொடுத்தார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/2FJUb92
via